2022 сылга Саха АССР төрүттэммитэ 100 сылын туоларынан сибээстээн, Бүлүү улууһун бэтэрээннэрин Сэбиэттэрин ортолоругар бу дьоһун суолталаах бэлиэ даатаҕа сыһыаннаах 100 тэрээһини ыытарга куоталаһыы биллэрилиннэ.Ол туһунан бэтэрээннэр улуустааҕы Сэбиэттэрин бэрэссэдээтэлэ Герасим Алексеевич Солтуев кэпсиир:
Бу куоталаһыыга нэһилиэктэргэ бэтэрээннэр Сэбиэттэрэ 2021 сылтан саҕалаабыт үлэлэрэ барыта киирэр. Нэһилиэнньэтин ахсаанынан улахан, орто, кыра нэһилиэктэргэ арахсаллар. Куоталаһыыбыт "Саха автономиятын 100 сылыгар - 100 тэрээһини" диэн девизтээх ыытыллар уонна 2022 сыл муус устар 15 күнүгэр түмүктэнэр.
Бу кэм устата ыыппыт үлэлэрин түмүгүнэн 100 тэрээһини үчүгэйдик тэрийбит нэһилиэк уонна бэтэрээн Сэбиэтэ быһаарыллыаҕа. Онуоха улууспут дьаһалтата 500 тыһ. солк. суумалаах үбү көрөн, бастыҥнарбытыгар лиэнтэ кэтэрдэр, бириэмийэ олохтуур кыахтанныбыт. Ити курдук бэтэрээннэр уопсастыбаннай үлэлэрин улууспут дьаһалтата бары өттүнэн өйүүрүн иһин биһиги улахан махталбытын тириэрдэбит.
Түмүктээн эттэххэ, улуус нэһилиэктэрин бэтэрээннэрин Сэбиэттэрэ бу куоталаһыыны бары истэн-билэн олороллор уонна бэйэлэригэр сыал-сорук туруорунан, билиҥҥи санитарнай ирдэбиллэри кытаанахтык тутуһан, сөптөөхтүк дьарыктана сылдьаллар.
Николай Федоров. Газета "Олох суола"
2022 сылга Саха АССР төрүттэммитэ 100 сылын туоларынан сибээстээн, Бүлүү улууһун бэтэрээннэрин Сэбиэттэрин ортолоругар бу дьоһун суолталаах бэлиэ даатаҕа сыһыаннаах 100 тэрээһини ыытарга куоталаһыы биллэрилиннэ.Ол туһунан бэтэрээннэр улуустааҕы Сэбиэттэрин бэрэссэдээтэлэ Герасим Алексеевич Солтуев кэпсиир:
Бу куоталаһыыга нэһилиэктэргэ бэтэрээннэр Сэбиэттэрэ 2021 сылтан саҕалаабыт үлэлэрэ барыта киирэр. Нэһилиэнньэтин ахсаанынан улахан, орто, кыра нэһилиэктэргэ арахсаллар. Куоталаһыыбыт "Саха автономиятын 100 сылыгар - 100 тэрээһини" диэн девизтээх ыытыллар уонна 2022 сыл муус устар 15 күнүгэр түмүктэнэр.
Бу кэм устата ыыппыт үлэлэрин түмүгүнэн 100 тэрээһини үчүгэйдик тэрийбит нэһилиэк уонна бэтэрээн Сэбиэтэ быһаарыллыаҕа. Онуоха улууспут дьаһалтата 500 тыһ. солк. суумалаах үбү көрөн, бастыҥнарбытыгар лиэнтэ кэтэрдэр, бириэмийэ олохтуур кыахтанныбыт. Ити курдук бэтэрээннэр уопсастыбаннай үлэлэрин улууспут дьаһалтата бары өттүнэн өйүүрүн иһин биһиги улахан махталбытын тириэрдэбит.
Түмүктээн эттэххэ, улуус нэһилиэктэрин бэтэрээннэрин Сэбиэттэрэ бу куоталаһыыны бары истэн-билэн олороллор уонна бэйэлэригэр сыал-сорук туруорунан, билиҥҥи санитарнай ирдэбиллэри кытаанахтык тутуһан, сөптөөхтүк дьарыктана сылдьаллар.
Николай Федоров. Газета "Олох суола"
